नेपाली कांग्रेस बागमती प्रदेश संसदीय दलको आज बसेको बैठकले मुख्यमन्त्री इन्द्रबहादुर बानियाँ नेतृत्वको सरकारलाई निरन्तरता दिन आवश्यक राजनीतिक समन्वय र समर्थन जुटाउने जिम्मेवारी मुख्यमन्त्री बानियाँलाई दिने सर्वसम्मत निर्णय गरेको छ।
बैठकले वरिष्ठ कांग्रेस नेता तथा पूर्व उपप्रधानमन्त्री गोपालमान श्रेष्ठको निधनप्रति भावपूर्ण श्रद्धाञ्जली अर्पण गर्दै शोकसन्तप्त परिवारप्रति गहिरो समवेदना व्यक्त गरेको छ।
त्यस्तै, सुनसरीको देवानगञ्ज घटनाप्रति दुःख व्यक्त गर्दै दलले धार्मिक तथा सामाजिक सद्भाव कायम राख्न धैर्य, संयम र संवादमार्फत समस्या समाधान गर्न सबै पक्षलाई अपिल गरेको छ। साथै, परिस्थितिलाई थप बिग्रन नदिन आवश्यक पहल गर्न बागमती प्रदेश सरकारलाई आग्रह गरिएको छ।
