कार्तिक २६, हेटौंडा >
भूतपूर्व विद्यार्थी मञ्च, कालिका माध्यमिक विद्यालय, राक्सिराङ–४ को पहलमा आफ्नो मातृ विद्यालयलाई स्मार्ट टिभी हस्तान्तरण गरिएको छ।>
विद्यालय व्यवस्थापन समितिका अध्यक्ष तुलराज थिङ तथा प्रधानाध्यापक सुजन मुक्तानको उपस्थितिमा मञ्चका अध्यक्ष मनोज मुक्तानले विद्यालयलाई स्मार्ट टिभी औपचारिक रूपमा हस्तान्तरण गरेका हुन्।>
हस्तान्तरण कार्यक्रममा मञ्चका अध्यक्ष मनोज मुक्तानले मातृ विद्यालयको शैक्षिक विकास र उन्नयनमा पूर्वविद्यार्थीहरूको पनि महत्वपूर्ण भूमिका रहने बताउँदै विद्यालयमा प्रविधिमैत्री शिक्षण सिकाइको वातावरण निर्माण गर्न सहयोग गरिएको जानकारी दिनुभयाे । उनले विद्यालयको समग्र विकासका लागि मञ्चको सहकार्य आगामी दिनमा पनि निरन्तर रहने प्रतिबद्धता व्यक्त गर्नुभयो । >
कार्यक्रममा विद्यालयका पूर्वप्रधानाध्यापक प्रेम मुक्तान, समाजसेवी मदन मुक्तान, मञ्चका सदस्य तथा धुलिखेलमा कार्यरत वि.नि. पासाङ बल, अमृत साइन्स क्याम्पस, त्रिभुवन विश्वविद्यालयको माइक्रोबायोलोजी विभागका प्राध्यापक सुलभ स्याङ्तान तथा राष्ट्रिय माध्यमिक विद्यालय, देविटारका प्रधानाध्यापक जीवन मुक्तानलगायतको उपस्थिति रहेको थियो।>
>
विद्यालयमा प्रविधिको प्रयोगमार्फत शिक्षण सिकाइलाई प्रभावकारी बनाउनुका साथै विद्यार्थी संख्या घटदै गइरहेकाे अवस्थामा गुणस्तर अभिवृद्धि गर्न सहयोग पुर्याउने उद्देश्यले टिभी प्रदान गरिएको मञ्चका अध्यक्ष मुक्तानले निगरानीसँग बताउनु भयाे । >>