मुख्य समाचार
आज छठ पर्वको दोस्रो दिन खरना विधि गरिँदै | ‘शिक्षा–ककस’ साप्ताहिक भर्चुअल कार्यक्रम सुरु हुँदै, पाँच शिक्षक–पाँच प्रतिज्ञामा जोड | मातृ विद्यालयको शैक्षिक उन्नयनमा भूतपूर्व विद्यार्थी मञ्चको योगदान, कालिका माविलाई स्मार्ट टिभी हस्तान्तरण | आज भाइटीका पर्व मनाइँदै, दिदीबहिनीबाट दाजुभाइले टीका ग्रहण गर्दै | नेपाल संवत् ११४७ सुरु, नेवार समुदायले म्हः पूजा गर्दै | गोवर्द्धन, गोरु र हली तिहार आज मनाइँदै | गाईको पूजा आराधना गरी आज गाईतिहार मनाइँदै | आज काग तिहार मनाइँदै, कागलाई मीठो खानेकुरा दिएर पूजा गरिँदै | तिहार पर्व | तिहार तथा छठ पर्व मर्यादित र सुरक्षित रूपमा मनाउन मकवानपुर प्रशासनको आग्रह |
मुख्य समाचार
आज छठ पर्वको दोस्रो दिन खरना विधि गरिँदै | ‘शिक्षा–ककस’ साप्ताहिक भर्चुअल कार्यक्रम सुरु हुँदै, पाँच शिक्षक–पाँच प्रतिज्ञामा जोड | मातृ विद्यालयको शैक्षिक उन्नयनमा भूतपूर्व विद्यार्थी मञ्चको योगदान, कालिका माविलाई स्मार्ट टिभी हस्तान्तरण | आज भाइटीका पर्व मनाइँदै, दिदीबहिनीबाट दाजुभाइले टीका ग्रहण गर्दै | नेपाल संवत् ११४७ सुरु, नेवार समुदायले म्हः पूजा गर्दै | गोवर्द्धन, गोरु र हली तिहार आज मनाइँदै | गाईको पूजा आराधना गरी आज गाईतिहार मनाइँदै | आज काग तिहार मनाइँदै, कागलाई मीठो खानेकुरा दिएर पूजा गरिँदै | तिहार पर्व | तिहार तथा छठ पर्व मर्यादित र सुरक्षित रूपमा मनाउन मकवानपुर प्रशासनको आग्रह |

१ कार्तिक २०८३, शनिबार

आज बडादसैँको फूलपाती पर्व मनाइँदै, घरघरमा फूलपाती भित्र्याइँदै

Nigarani Online

असोज ३१, हेटौंडा 

 हिन्दू धर्मावलम्बीहरूको महान् पर्व बडादसैँको सातौँ दिन आज शनिबार देशभर फूलपाती पर्व मनाइँदै छ। फूलपातीका अवसरमा घरघरमा शुभसाइतको प्रतीकका रूपमा फूलपाती भित्र्याएर दुर्गा भवानीको पूजा आराधना गर्ने परम्परा रहेको छ। 

घटस्थापनाका दिनदेखि सुरु भएको नवरात्रमा आज देवी दुर्गाको सातौँ स्वरूप माता कालरात्रिको पूजा गरिन्छ। यस दिन घरको पूजाकोठा तथा दसैँघरमा विभिन्न फूल, पात, फलफूल र नौ प्रकारका वनस्पति भित्र्याउने धार्मिक प्रचलन छ।हेटौंडा–१० स्थित भुटनदेवी मन्दिरमा पनि फूलपाती भित्र्याउने कार्यक्रम रहेको छ।

नवदुर्गाका नौ स्वरूपमा शैलपुत्री, ब्रह्मचारिणी, चन्द्रघण्टा, कुष्माण्डा, स्कन्दमाता, कात्यायनी, कालरात्रि, महागौरी र सिद्धिदात्री पर्दछन्। आश्विन शुक्ल प्रतिपदादेखि नवमीसम्म नवदुर्गाको विशेष पूजा–आराधना गरिन्छ। दसैँको अवसरमा विजयादशमीदेखि कोजाग्रत पूर्णिमासम्म मान्यजनबाट टीका तथा जमरा ग्रहण गरी आशीर्वाद लिने परम्परा छ। यस पर्वले पारिवारिक एकता, आपसी सद्भाव र सामाजिक मेलमिलापलाई थप सुदृढ बनाउने विश्वास गरिन्छ ।

फूलपातीका अवसरमा गोरखा दरबारबाट काठमाडौंको हनुमानढोकास्थित दसैँघरमा फूलपाती ल्याउने ऐतिहासिक परम्परा छ। यसै अवसरमा काठमाडौंको टुँडिखेलमा नेपाली सेनाद्वारा फूलपाती बढाइँसमेत गरिन्छ।

प्रतिक्रिया

सम्बन्धित समाचार