मकवानपुर–जापान समाजको अध्यक्षमा बच्चुराम अर्याल पुनः चयन भएका छन्।
जापानमा सम्पन्न समाजको अधिवेशनले अर्यालको नेतृत्वमा नयाँ कार्यसमिति सर्वसम्मत रूपमा चयन गरेको हो। नवगठित कार्यसमितिले जापानमा रहेका मकवानपुरवासीबीच आपसी एकता, सहकार्य तथा सामाजिक सेवाका गतिविधिलाई अझ प्रभावकारी बनाउने अपेक्षा गरिएको छ।
पुनः अध्यक्षमा चयन भएपछि अर्यालले आफूलाई पुनः विश्वास गरेर नेतृत्वको जिम्मेवारी सुम्पिएकोमा सम्पूर्ण सदस्यप्रति आभार व्यक्त गर्दै समाजलाई अझ सक्रिय, समावेशी र प्रभावकारी बनाउँदै लैजाने प्रतिबद्धता जनाएका छन्। उनले जापानमा रहेका मकवानपुरवासीलाई एकताबद्ध गर्दै सामाजिक, सांस्कृतिक तथा परोपकारी गतिविधिलाई निरन्तरता दिने बताए।
नवनिर्वाचित कार्यसमितिका पदाधिकारी तथा सदस्यहरूलाई विभिन्न क्षेत्रका व्यक्तित्वहरूले बधाई तथा सफल कार्यकालको शुभकामना व्यक्त गरेका छन्।
