- मकवानपुरको हेटौंडा उपमहानगरपालिका–११ थानाभर्याङस्थित यातायात व्यवस्था कार्यालय अगाडि एक पुरुष रक्ताम्य अवस्थामा मृत फेला परेका छन्।
प्रहरीका अनुसार मृतक मकवानपुरको थाहा नगरपालिका–३ चित्लाङ निवासी *आसमान गोपाली* हुन्। घटनास्थलमा ठूलो मात्रामा रगत देखिएको थियो।
प्रारम्भिक अनुसन्धानमा घटनापछि मृतकसँगै रहेकी एक महिला फरार भएको खुलेको छ। उनको खोजीका लागि प्रहरीले तीव्र रूपमा काम गरिरहेको जिल्ला प्रहरी कार्यालय मकवानपुरले जनाएको छ।
घटनाको कारण र प्रकृतिबारे थप अनुसन्धान भइरहेको प्रहरीले बताएको छ। शव पोष्टमार्टमका लागि हेटौंडा अस्पतालमा राखिएको छ।
