हेटौंडा–१२, पान्तलेस्थित आधुनिक महिला जागृति बचत तथा ऋण सहकारी संस्था लि.ले आ.व. २०८२/०८३ को वित्तीय विवरण सार्वजनिक गरेको छ।
सहकारी विभागको निर्देशनअनुसार संस्थाले मिति २०८३ असार ३२ गतेसम्मको आर्थिक विवरण तयार गरी सबै शेयर सदस्यलाई जानकारी गराएको हो।
सहकारीको विवरणअनुसार संस्थामा हाल १७०३ जना कुल शेयर सदस्य र ५९३ जना ऋणी सदस्य रहेका छन्।
आर्थिक अवस्थातर्फ संस्थाको शेयर पूँजी रु. ८२ लाख ६० हजार, जगेडा कोष रु. ३६ लाख १० हजार ४०५ र कुल संस्थागत पूँजी रु. ३७ लाख ९४ हजार ४१९ रहेको छ।
संस्थामा कुल बचत रु. ५ करोड ७९ लाख ८ हजार ७६९ संकलन भएको छ भने सदस्यहरूलाई *लगानीमा रहेको ऋण रु. ५ करोड ५९ लाख १० हजार ६५ रहेको छ।
सहकारीको कुल सम्पत्ति रु. ८ करोड २ लाख ६५ हजार १५ र तरलता प्रतिशत ३७.६२ प्रतिशत रहेको संस्थाका व्यवस्थापक गिता कुमारी पौडेलले जानकारी दिनुभयो।
सहकारी ऐन २०७४ बमोजिम सञ्चालित यस संस्थाले पारदर्शिता कायम गर्न र सदस्यहरूलाई आर्थिक अवस्थाबारे जानकारी दिन नियमित रूपमा विवरण सार्वजनिक गर्ने गरेको छ।
