कार्तिक ८, हेटौंडा >
दुर्गा पक्षको अन्तिम दिन कोजाग्रत पूर्णिमा आज महालक्ष्मीको पूजा आराधना र रातभर जाग्राम बसेर मनाइँदैछ।>
आश्विन शुक्ल पूर्णिमाका अवसरमा धन, ऐश्वर्य र समृद्धिकी देवी महालक्ष्मीको पूजा गर्ने धार्मिक परम्परा छ। यससँगै विजयादशमीदेखि मान्यजनबाट टीका, जमरा र आशीर्वाद ग्रहण गर्ने क्रम पनि समाप्त हुन्छ।>
>
घटस्थापनाका दिन राखिएको जमरा आज नदी, तलाउ तथा अन्य पवित्र स्थलमा विसर्जन गर्ने चलन छ। नवरात्र विजयादशमीमा सकिए पनि दुर्गा पक्ष भने कोजाग्रत पूर्णिमासँगै अन्त्य हुने धार्मिक मान्यता रहेको छ। यस दिनसँगै १५ दिन लामो बडादशैँ पर्व औपचारिक रूपमा समापन हुन्छ।>>