साउन १४, हेटौंडा
सुनसरी लगायतका जिल्लाहरूमा भएका समुदायबीचको झडपलाई दृष्टिगत गर्दै जिल्ला प्रशासन कार्यालय मकवानपुरले जिल्लाभित्र धार्मिक सहिष्णुता तथा सामाजिक सद्भाव कायम राख्न हार्दिक अपिल गरेको छ।
सहायक प्रमुख जिल्ला अधिकारीद्वारा जारी सूचना अनुसार जिल्लास्थित फरक-फरक धार्मिक तथा सांस्कृतिक आस्था भएका समुदायहरूलाई सद्भाव प्रवर्द्धन गर्न आग्रह गरिएको छ। साथै, मठ, मन्दिर, मस्जिद, गुम्बा लगायतका धार्मिक स्थलहरूमा कार्यक्रम गर्दा अन्य समुदायलाई असर नपर्ने गरी ठूलो आवाजमा लाउडस्पिकर, माइक तथा साउण्ड बक्स नबजाउनसमेत प्रशासनले सार्वजनिक अनुरोध गरेको छ।
