साउन २, हेटौंडा
मकवानपुरको बागमती गाउँपालिकाले सबै सामुदायिक विद्यालयका शिक्षक तथा कर्मचारीलाई आर्थिक वर्ष २०८२/०८३ को सम्पत्ति विवरण ६० दिनभित्र अनिवार्य रूपमा बुझाउन निर्देशन दिएको छ।
गाउँ कार्यपालिकाको कार्यालयले जारी गरेको सूचनाअनुसार भ्रष्टाचार निवारण ऐन २०५९ तथा अख्तियार दुरुपयोग अनुसन्धान आयोग ऐन २०४८ बमोजिम साउन १ देखि भदौ १० गतेभित्र शिक्षा, युवा तथा खेलकुद शाखामा विवरण बुझाउनुपर्नेछ। प्रधानाध्यापकमार्फत विवरण संकलन गरी पठाउनुपर्नेछ भने स्थायी शिक्षकले राष्ट्रिय किताबखाना (शिक्षक) र अस्थायी शिक्षकले मुख्यमन्त्री तथा मन्त्रिपरिषद्को कार्यालयमा विवरण पठाउनुपर्ने व्यवस्था छ। तोकिएको ढाँचा, समय र प्रक्रिया नपुर्याएको विवरण मान्य नहुने गाउँपालिकाले जनाएको छ।
