कैलाश ९, नामटार स्थित कालिका माध्यमिक विद्यालयको विद्यालय व्यवस्थापन समितिको अध्यक्षमा कृण्णमाया बोम्जन सर्वसम्मत चयन भएकी छन्।
साउन १४ गते सम्पन्न अभिभावक भेलााबाट कृण्णमाया बोम्जन सहित श्याम बहादुर गोले, बिनोद बिष्ट र लक्ष्मी थिङ सदस्य पदमा निर्वाचित भएका हुन्।
नवनिर्वाचित अध्यक्ष गोले तथा सदस्यहरूलाई विभिन्न व्यक्तित्वहरूले हार्दिक बधाई दिँदै सफल कार्यकालको शुभकामना व्यक्त गरेका छन्। विद्यालयको शैक्षिक गुणस्तर अभिवृद्धि, सुशासन, भौतिक पूर्वाधार विकास तथा विद्यालयको समग्र उन्नयनमा नवनिर्वाचित समितिले प्रभावकारी भूमिका निर्वाह गर्ने विश्वास व्यक्त गरिएको छ।
नवनिर्वाचित अध्यक्ष तथा सदस्यहरूले विद्यालयको सर्वाङ्गीण विकासका लागि अभिभावक, शिक्षक, विद्यार्थी र स्थानीय समुदायसँग सहकार्य गर्दै जिम्मेवारीपूर्वक काम गर्ने प्रतिबद्धता व्यक्त गरेका छन्।
