जिल्ला प्रशासन कार्यालय मकवानपुर ले जिल्लामा सामाजिक सद्भाव, मेलमिलाप र सहिष्णुता कायम राख्ने उद्देश्यले ‘सद्भाव–यात्रा’ आयोजना गर्ने जनाएको छ। सुनसरी र सिराहा जिल्लामा घटेका दुःखद घटनापछि विभिन्न स्थानमा देखिएको तनावपूर्ण अवस्थालाई मध्यनजर गर्दै यस्तो कार्यक्रम गर्न लागिएको हो।
कार्यालयले धार्मिक संघ–संस्था, राजनीतिक दल, जनप्रतिनिधि, नागरिक समाज, सञ्चारकर्मी तथा सर्वसाधारणलाई यात्रामा सक्रिय सहभागिता जनाउन आग्रह गरेको छ। कार्यक्रमले विभिन्न धर्म र संस्कृतिबीच आपसी समझदारी र भाइचारा सुदृढ गर्ने अपेक्षा गरिएको छ।
सद्भाव–यात्रा २०८३ श्रावण १६ गते शनिबार दिउँसो ४ बजे हेटौंडा–४ स्थित हुप्राचौरमा आयोजना गरिने जनाइएको छ। कार्यक्रमलाई शान्तिपूर्ण र सफल बनाउन सबै सरोकारवालालाई सहयोग गर्न पनि प्रशासनले अनुरोध गरेको छ।
