नेपाल प्रधानाध्यापक संघ, मकवानपुर जिल्ला समितिले प्रधानाध्यापकहरूको नेतृत्व क्षमता विकास गर्ने उद्देश्यले १ दिने कार्यक्रम आयोजना गर्ने भएको छ।
संघले जारी गरेको जानकारीअनुसार साउन १० गते बिहान ९:०० बजे भुटनदेवी माध्यमिक विद्यालय, हेटौंडा, मकवानपुर* मा कार्यक्रम सञ्चालन हुनेछ।
"Leading - Linking - Learning" भन्ने नारासहित आयोजना हुने यस कार्यक्रममा मकवानपुरका विभिन्न विद्यालयका प्रधानाध्यापकहरूको सहभागिता रहने छ।
कार्यक्रमको मुख्य उद्देश्य विद्यालय व्यवस्थापनमा प्रधानाध्यापकहरूको नेतृत्व क्षमता अभिवृद्धि गर्नु, अनुभव साटासाट गर्नु र शैक्षिक गुणस्तर सुधारमा सहकार्य बढाउनु रहेको PAN मकवानपुर जिल्ला समितिले जनाएको छ।
