आदिकवि भानुभक्त, नेपाली भाषाका उज्याला तारा,
तपाईंको अमूल्य योगदानले उज्यालियो सारा धरा।
सरल शब्दमा रामायण लेखी जनमनमा ज्ञान छर्नुभयो,
नेपाली भाषालाई मिठास दिई सबैको मन जित्नुभयो।
हामी गर्व गर्छौं तपाईंको अनुपम सिर्जनामा,
प्रेरणा पाइरहन्छौं तपाईंका अमर कवितामा।
भाषा, साहित्य र संस्कृतिको तपाईं अमूल्य चिनारी,
सधैं रहिरहनेछ तपाईंको उज्यालो सम्झना भारी।
भानुभक्त हाम्रो गौरव, नेपाली भाषाका शान,
उहाँका अमर रचनाले बढायो देशको मान।
भाषा र साहित्यको ज्योति सधैं बलिरहोस्,
भानु जयन्तीको शुभकामना सबैमा फैलिरहोस्।
आज भानु जयन्तीमा श्रद्धाका फूल चढाऔं,
उहाँका आदर्श र मार्गलाई जीवनभर अपनाऔं।
नेपाली भाषा माया गरौं, साहित्यको सम्मान गरौं,
भानुभक्तको सपना पूरा गर्न सधैं अघि बढौं।
हाम्रो बोली, हाम्रो पहिचान—नेपाली भाषा महान,
भानुभक्तका अमर कृतिले बढाएको यसको सम्मान।
आदिकवि प्रति हार्दिक नमन गर्दै यही प्रण गरौं,
उहाँको प्रेरणाले उज्ज्वल भविष्यतर्फ सधैं अघि बढौ ।
कक्षा ९ वंशगोपाल माध्यमिक विद्यालय, हेटौँडा–६
