>
भाद्र १४, हेटौँडा>
पृथ्वी राजमार्गअन्तर्गत धादिङको कृष्णभीर क्षेत्रमा सडक अवरुद्ध भएपछि मकवानपुर हुँदै काठमाडौं आवतजावत गर्ने सवारीसाधनको चाप बढेको छ। चापलाई व्यवस्थित र सुरक्षित बनाउन जिल्ला प्रशासन कार्यालय मकवानपुरले विभिन्न सवारी व्यवस्थापनसम्बन्धी व्यवस्था लागू गरेको छ। >
प्रशासनले अत्यावश्यक कामबाहेक काठमाडौं यात्रामा ननिस्कन तथा मालवाहक सवारीलाई कान्ति लोकपथमार्फत सञ्चालन गर्न आग्रह गरेको छ। १४ सिटभन्दा ठूला यात्रुवाहक सवारीलाई त्रिभुवन राजपथ हुँदै काठमाडौं जाने–आउने व्यवस्था मिलाउन र १४ सिटसम्मका साना यात्रुवाहक सवारीलाई भीमफेदी–देउराली मार्ग प्रयोग गर्न अनुरोध गरिएको छ।>
सवारी चालकलाई आफ्नो पालोअनुसार मात्र सवारी सञ्चालन गर्न, ओभरटेक नगर्न तथा ट्राफिक प्रहरीको निर्देशन पूर्ण रूपमा पालना गर्न प्रशासनले आग्रह गरेको छ। >>