असार २१, हेटौंडा 

सामाजिक अध्ययन शिक्षक समाज (सोस्टा) मकवानपुरले आइतबार एक विशेष कार्यक्रमका बीच ३७ जना शिक्षकहरूलाई सम्मानित गरेको छ ।

एस इ ई २०८२ मा सामाजिक अध्ययन विषयमा शत–प्रतिशत विद्यार्थी उत्तीर्ण गराउन सफल तथा उत्कृष्ट ’ए प्लस’  ग्रेड दिलाउन महत्वपूर्ण योगदान पु¥याएका शिक्षकहरूलाई प्रोत्साहन स्वरूप सम्मान गरिएको हो ।

सोस्टा मकवानपुरका अध्यक्ष भोगेन्द्र लुइँटेलको अध्यक्षतामा सम्पन्न उक्त कार्यक्रममा शिक्षा विकास तथा समन्वय इकाइ प्रमुख सुदीप गिरीको  प्रमुख आतिथ्यता रहेको थियो । कार्यक्रममा बोल्दै प्रमुख अतिथि गिरीले शैक्षिक गुणस्तर सुधार र विद्यार्थीको उत्कृष्ट नतिजामा शिक्षकहरूले खेलेको भूमिकाको प्रशंसा गर्नुभयो ।

त्यस्तै, विशिष्ट अतिथिका रूपमा उपस्थित संस्थाका संस्थापक अध्यक्ष केशव सुवेदीले यस प्रकारको सम्मानले शिक्षकहरूको मनोबल उच्च राख्न र शिक्षण पेसाप्रति थप जिम्मेवार बनाउन ऊर्जा मिल्ने बताउनुभयो ।

कार्यक्रममा अतिथिहरूका तर्फबाट संस्थापक उपाध्यक्ष बिमल कुमार घिमिरे,  नेपाली भाषा शिक्षक समितिका अध्यक्ष ज्योति न्यौपाने र विज्ञान शिक्षक समितिका अध्यक्ष भरत पोख्रेल लगायतले सम्मानित शिक्षकहरूलाई बधाई तथा शुभकामना मन्तव्य व्यक्त गर्नुभएको थियो ।