इंग्ल्यान्ड फिफा विश्वकप २०२६ काे सेमिफाइनलमा प्रवेश गरेको छ । तेस्रो क्वार्टरफाइनल खेलमा नर्वेलाई२-१ ले हराउँदै इंगल्यान्ड सेमिफाइनलमा पुगेको हो ।
मियामी स्टेडियममा जारी खेलको ९३औं मिनेटमा जेड बेलिंघमले व्यक्तिगत दोस्रो गोल गर्दै इंग्ल्यान्डलाई जित दिलाएका हुन् ।
अतिरिक्त समयको तेस्रो मिनेटमा मोर्गन रोजर्सले गरेको बललाई नर्वेका गोलकिपरले पूर्ण रुपमा नियन्त्रणमा लिन नसक्दा त्यसको फाइदा बेलिंघमले उठाए ।त्यसअघि उनै बेलिंघमले पहिलो हाफको इन्जुरी समयमा गोल गर्दै इंग्ल्यान्डलाई बराबरीमा फर्काएका थिए । खेलको ३६औं मिनेटमा एन्ड्रियास स्केल्डरअपले गोल गर्दै नर्वेलाई अग्रता दिलाएका थिए ।
सेमिफाइनलमा इंगल्यान्डले अर्जेन्टिना र स्विजरल्यान्डबिचको विजेतासँग खेल्ने छ ।
