पि.एम. सेन्टर सङ्गीत विभाग, हेटौँडाको आयोजनामा नियमित रूपमा सञ्चालन हुँदै आएको ’भक्ति सङ्गीत’ भजन कीर्तन तथा सत्सङ्ग कार्यक्रमको १६औ शृङ्खलामा पुगेको छ ।
हेटौँडा–४ स्थित भुवनेश्वर पशुपति मन्दिर परिसरमा आयोजना हुने उक्त कार्यक्रम शनिबार अपरान्ह ४ः०० बजेदेखि साँझ ७ः०० बजेसम्म सञ्चालन हुने आयोजकले जनाएको छ।कार्यक्रममा शास्त्रीय, उपशास्त्रीय, सुगम, लोक, सगुण, निर्गुण, भावात्मक तथा नृत्यात्मक लगायत विविध प्रकारका भजन कीर्तन तथा सत्सङ्ग प्रस्तुत गरिने कार्यक्रमका संयोजक गहन खतिवडाले बताउनुभयो
आयोजक संस्था पि.एम. सेन्टर सङ्गीत विभागका अध्यक्ष प्रमेन्द्र महर्जन र सचिव प्रहलाद चौलागाईं रहेका छन्। संगीत प्रेमी हरुको संख्या स्बस्फूर्त रुपमा बढ्दै गएको र उहाँहरुले पनि आफ्रनो प्रस्तुति राख्ने अवसर समेत रहने गरेको संयोजक खतिवडाले व्यक्त गर्नुभयो । मानिसहरुमा तन सँगै मन पनि स्वस्थ राख्नु पर्छ र केही समय भएपनि व्यस्तताबाट निक्लिएर मनलाई शान्त बनाउनु पर्छ भन्ने भाव बढेकोले कार्यक्रममा सबै उमेर समूहका मानिसहरुको उपस्थिति हुदै आएको छ । आयोजकले सम्पूर्ण सङ्गीतप्रेमी, भक्तजन तथा आदरणीय महानुभावहरूलाई उपस्थितिका लागि हार्दिक निमन्त्रणा गर्दै आएको छ ।
