कार्तिक १, हेटौंडा >
बडादशैं तथा नवरात्रको आठौँ दिन आज आइतबार नवदुर्गाको आठौँ स्वरूप महागौरी देवीको पूजा आराधना गरिँदैछ। यस अवसरमा घरघरका दशैंघर तथा पूजाकोठामा विधिपूर्वक पूजा गर्ने परम्परा छ।>
धार्मिक मान्यताअनुसार महागौरीलाई सेतो वृषभमा सवार र श्वेत वस्त्र धारण गरेकी देवीका रूपमा वर्णन गरिएको छ। नवरात्रको पहिलो दिन घटस्थापना गरी शैलपुत्रीको पूजा सुरु गरिएको थियो भने क्रमशः ब्रह्मचारिणी, चन्द्रघण्टा, कुष्माण्डा, स्कन्दमाता, कात्यायनी र कालरात्रिको पूजा गरिएको थियो।नवरात्रका अवसरमा देशभरका शक्तिपीठ तथा देवी मन्दिरमा दर्शन र पूजाआराधना गर्ने भक्तजनको भीड लाग्ने गरेको छ।>
देवीको आराधना गर्नाले शक्ति, समृद्धि र ज्ञान प्राप्त हुने धार्मिक विश्वास छ। नवरात्रको नवौँ दिन सिद्धिदात्री देवीको पूजा गरेपछि विजयादशमीदेखि कोजाग्रत पूर्णिमासम्म टीका र जमरा लगाएर बडादशैं मनाउने परम्परा छ।>>