>
हेटौंडा १७ मा अवस्थित अंगारेश्वर धार्मिक तथा पर्यटकीय स्थलको संरक्षण, विकास तथा सौन्दर्यीकरणका लागि वाइ.के. पाण्डे र श्रीमती सत्य बिष्टले करिब एक लाख रुपैयाँ बराबरको सहयोग गरेका छन्।>
आफ्ना स्वर्गीय पिता रण केसरी पाण्डे र माता कमला पाण्डेको स्मृतिमा पितृ उद्धार तथा पुण्य प्राप्तिको उद्देश्यसहित पाण्डे दम्पतीले अंगारेश्वर मन्दिर परिसरमा स्टिलको रेलिङ, फल्स सिलिङ तथा पित्तलको चौधूवा निर्माण गरी अर्पण गरेका हुन्।>
मन्दिर परिसरको भौतिक संरचना सुधार तथा सौन्दर्यीकरणमा सहयोग पुग्ने गरी गरिएको उक्त निर्माण तथा सामग्रीको कुल लागत करिब रु. १ लाख रहेको अंगारेश्वर धार्मिक तथा पर्यटकीय स्थल परिवारले जनाएको छ।>
धार्मिक आस्था र सामाजिक सेवाको भावनासहित गरिएको सहयोगले अंगारेश्वरको संरक्षण तथा व्यवस्थापनमा महत्वपूर्ण योगदान पुग्ने स्थल परिवारको भनाइ छ।>
सहयोगप्रति अंगारेश्वर धार्मिक तथा पर्यटकीय स्थल परिवारले पाण्डे दम्पतीलाई धन्यवाद तथा कृतज्ञता व्यक्त गरेको छ।>>