>
कान्ति राजमार्गको टाकुर्चे खण्डमा पहिरोका कारण सडक क्षतिग्रस्त भएपछि तीव्रता साथ मर्मत तथा पहिरो पन्छाउने काम भइरहेको छ। यसअघि सडकको ट्रयाक खसेपछि सवारी आवागमन सहज बनाउन निर्माण गरिएको अस्थायी संरचना (¥याम्प) मा पुनः पहिरो झरेपछि सडक निकै साँघुरो बनेको छ। सडक थप भासिने र खस्ने जोखिम बढेसँगै पहिरो पन्छाएर बाटो पुनर्निर्माण गर्ने कार्य भइरहेको छ। अवरुद्ध तथा असहज बनेको उक्त खण्डमा सडक विस्तार गरी यातायात सेवालाई पूर्ण रूपमा सुचारु गराउन हाल प्राविधिक जनशक्ति र मेसिनरी प्रयोग गरी काम भइरहेको छ। सडकलाई सुरक्षित र फराकिलो बनाएर जतिसक्दो चाँडो सवारीसाधन सञ्चालनमा ल्याउने लक्ष्य राखिएको छ।>>