>
भाद्र १६, हेटौंडा >
हेटौंडा–६, चौघडास्थित वंशगोपाल माध्यमिक विद्यालयमा अध्ययनरत विद्यार्थीहरूले आफ्नो खाजा खर्च कटाएर रसुवा बाढीपीडितका लागि १४ हजार ७८५ रुपैयाँ आर्थिक सहयोग जुटाएका छन्।>
कक्षागत रूपमा विद्यार्थीहरूबाट स्वस्फूर्त रूपमा संकलन गरेको रकम नेपाल बैंकमार्फत प्रधानमन्त्री दैवी प्रकोप उद्धार कोषमा जम्मा गरिएको विद्यालयका रेडक्रस नायक शिक्षक प्रकाश पराजुलीले बताउनुभयो । >
विपद्को समयमा आफ्नो खाजा खर्च कटाएर सहयोग गर्ने विद्यार्थीहरूको मानवीय भावना र सामाजिक उत्तरदायित्वको विद्यालय परिवारले प्रशंसा गरेको छ । >
रसुवा बाढीपहिरोबाट प्रभावित नागरिकको पीडाप्रति विद्यार्थीहरू अत्यन्त भावुक बनेको र विद्यार्थीहरूले यसरी सहयोग गरेको क्षण जीवनभर अविस्मरणीय रहने व्यक्त गरेको भनी शिक्षक तीर्थ खडकाले निगरानीसँग बताउनुभयो । >>
50