जिल्ला प्रशासन कार्यालय मकवानपुरले हेटौंडा–१ र २ मा सञ्चालित मासु पसलहरूको अनुगमन गर्दै ४ वटा पसललाई कुल ६ लाख रुपैयाँ जरिवाना गरेको छ।
प्रशासनको टोलीले गरेको अनुगमनका क्रममा समयमै करचुक्ता नगरेको, सरसफाइमा कमजोरी र मासु फ्रिजिङ प्रक्रिया अव्यवस्थित भेटिएपछि कारबाही गरिएको प्रमुख जिल्ला अधिकारीले जानकारी दिनुभयो ।*न्यौपाने मासु पसललाई: २ लाख रुपैयाँ ,ओम् फ्रेस मिट सप*: २ लाख रुपैयाँ, क्वालिटी मिट सप १ लाख रुपैयाँ र सलाम मिट सपलाई १ लाख रुपैयाँ जरिवाना गरिएको छ ।
त्यस्तै अनुगमनका क्रममा नियम उल्लंघन नभए पनि सरसफाइमा सुधार गर्नुपर्ने देखिएपछि *विकी मिट सप* र *प्रतीक मिट सप* लाई आवश्यक सुधार गर्न निर्देशन दिइएको छ।
जिल्ला प्रशासन कार्यालयले उपभोक्ताको स्वास्थ्यसँग प्रत्यक्ष जोडिएको खाद्यवस्तुको कारोबारमा मापदण्ड पालना नगर्ने व्यवसायीलाई कडा कारबाही गरिने र नियमित अनुगमनलाई निरन्तरता दिइने जनाएको छ।
उपभोक्ताले म्याद नाघेको, अस्वच्छ र फ्रिजिङ मापदण्ड नपुगेको मासु किनबेच गरेको पाइएमा प्रशासनलाई खबर गर्न पनि आग्रह गरिएको छ।
