असार २६, हेटौंडा
हेटौँडा–६, चौघडा स्थित वंशगोपाल माध्यमिक विद्यालयमा कक्षा १ देखि १० सम्मका विद्यार्थीबीच अन्तरसदनात्मक अङ्ग्रेजी हिज्जे प्रतियोगिता शुक्रबार सम्पन्न भएको छ।
विद्यालयको वार्षिक शैक्षिक क्यालेन्डरमा समावेश अतिरिक्त क्रियाकलाप अन्तर्गत हिज्जे प्रतियोगिता आयोजना गरिएको हो। प्रतियोगितामा प्रत्येक कक्षाबाट प्रथम, द्वितीय र तृतीय स्थान हासिल गर्ने ३९ जना विद्यार्थीहरूलाई पुरस्कार प्रदान गरिएको थियो।
विद्यालयका अङ्ग्रेजी भाषा विषय शिक्षक साबित्री रिजाल ले यस्ता कार्यक्रमले विद्यार्थीहरूको शब्दभण्डार वृद्धि हुनुका साथै सिकाइप्रति रुचि, आत्मविश्वास र उत्साह बढ्ने बताउनुभयो।
