असार १९, हेटाैंडा

चौघडामा किसानहरुलाई कृषि उपकरण  वितरण  गरिएको  छ ।  हेटौडा–६ चौघडामा रहेको नौलो बिहानी कृषि सहकारी संस्थाले संस्थामा आबद्व किसानहरुलाई कृषि उपकरण  वितरण  गरेको हो । हेटौडा  उपमहानगरपालिकाको ७० प्रतिशत अनुदान र किसानहरुको ३० प्रतिशत लगानीमा ८१ जना किसानहरुलाई  विभिन्न  प्रकारका उपकरण वितरण  गरिएको थियो ।

हेटौडा उपमहानगरपालिका  मेयर मिना लामाले  ६ नं वडा खेतीको लागि उर्वरा क्षेत्रको रुपमा रहेकोमा खुशी ब्यक्त गर्नु भयो।

किसानहरुको समस्या समाधानमा उपमहानगरपालिका  सदैव सहयोगी बन्ने बताउदै सहकारीले सदस्यहरुको सेवामा काम गर्नु पर्ने बताईन । 

कार्यक्रममा हेटौडा–६ का कावा अध्यक्ष  विजय पौडेल, वडा सदस्य सरिता सापकोटा , निवर्तमान  वडा  अध्यक्ष  अर्जुनप्रसाद  चौलागाई, सामुदायिक वन उपभोक्ता  महासंघ  मकवानपुर  अध्यक्ष साधुराम चौलागाई, रानी सामुदायिक वनका अध्यक्ष केशव धिताल, हेटौडा उपमहानगरपालिका  कृषि शाखाकी अश्मी पौडेल, कृषि शाखा चौघडाकि  प्रमुख  बिन्दु पोखरेल लगायतको  सहभागिता थियो ।

संस्थाले हाते ट्याक्टर  ५ थान , मकै छोडाउने मेशिन २१ थान मकै रोप्ने मेशिन १० थान, ईलेक्टीक स्प्रे ४१ थान र टनेल ६ वटा किसानहरुलाई वितरण  गरेको  थियो ।

कार्यक्रम संस्था अध्यक्ष  विष्णुप्रसाद  ढुङ्गानाको सभाध्यक्षतामा सम्पन्न  भएको थियो ।