असार १८, हेटाैंडा ज्येष्ठ  नागरिक मञ्च नगर समन्वय  समिति हेटाैडाकाे अध्यक्षमा रामबहादुर  नेपाली  चयन भएका छन ।  हेटाैडा  उपमहानगरपालिका  महिला बालबालिका  तथा समावेशीकरण  महाशाखाकाे आयाेजनामा हेटाैडामा असार १७  र  १८ गते भएकाे ज्येष्ठ  नागरिक मञ्च नगर  समन्वय समिति पुर्नगठन तथा अभिमुखिकरण कार्यक्रममा नेपालीकाे अध्यक्षतामा १९ सदस्यीय नयाँ  कार्यसमिति सर्वसम्मत  चयन गरेकाे हाे । समितिकाे उपाध्यक्षमा केशव प्रसाद न्याैपाने, सचिवमा बेली थापा, काेषाध्यक्षमा नारायणप्रसाद डकाल लगायत सम्पूर्ण  सदस्यहरु सर्वसम्मत चयन हुनु भएकाे छ ।  नयाँ कार्यसमितिका पदाधिकारी तथा सदस्यहरुलाई  नगर प्रमुख मिना लामाले शपथग्रहण गराउनु भएकाे थियाे ।  नगर प्रमुख लामाले उपमहानगरपालिकाले ज्येष्ठ नागरिककाे हक  हितमा सदैव काम गर्ने बताउदै  ज्येष्ठ  नागरिककाे सीपलाई राज्यले ग्रहण गर्नु पर्नेमा जाेड दिनुभयाे । कार्यक्रममा  हेटाैडा उपमहानगरपालिका  जन स्वास्थ्य महाशाखाका  भाेलानाथ चाैलागाईले स्वास्थ्य  सम्वन्धि र मामाघर नेपालका संरक्षक अर्पण पराजुलीले  तनाव ब्यवस्थापन सम्वन्धमा सहजीकरण  गरेका थिए ।  कार्यक्रममा  महिला बालबालिका  तथा समावेशीकरण महाशाखा प्रमुख विष्णुकुमारी  लामिछानेले कार्यक्रमकाे उद्वेश्यकाे बारेमा जानकारी  गराउनु भएको  थियाे । कार्यक्रम  ज्येष्ठ  नागरिक मञ्च नगर समन्वय समितिका अध्यक्ष  रामचन्द्र  ढकालकाे सभाध्यक्षतामा भएकाे थियाे ।