हेटौंडा उपमहानगरपालिका–१० स्थित हेटौंडा बसपार्कबाट हराएको मोटरसाइकल प्रहरीले फेला पारी सम्बन्धित धनीलाई जिम्मा दिएको छ।
जिल्ला मकवानपुर, कैलाश गाउँपालिका–१ निवासी सुदिप नेगीले बागमती प्रदेश ०२–०३१ प ६६७७ नम्बरको मोटरसाइकल हराएको भन्दै मिति २०८३ असार ३० गते जिल्ला प्रहरी कार्यालय मकवानपुरमा निवेदन दिएका थिए।
निवेदन प्राप्त हुनासाथ जिल्ला प्रहरी कार्यालय मकवानपुर तथा मातहतका प्रहरी इकाइहरूले खोजतलास अभियान सञ्चालन गरेका थिए। सो क्रममा हराएको मोटरसाइकल फेला पार्न प्रहरी सफल भएको थियो।
प्रहरीले आवश्यक कानुनी प्रक्रिया तथा सनाखत सम्पन्न गरेपछि मोटरसाइकल सम्बन्धित धनी सुदिप नेगीलाई जिम्मा लगाएको जिल्ला प्रहरी कार्यालय मकवानपुरले जनाएको छ।
