उपमहानगरपालिका वडा नम्बर १३ पदमपोखरीस्थित फेमकोल एकेडेमी माध्यमिक विद्यालयको सप्ताहव्यापी खेलकुद कार्यक्रम आजदेखि सुरू भएको छ
कार्यक्रमको आज एक समारोहका बीच वडा नम्बर १३ का वडाध्यक्ष पेम्बा लामाले उद्घाटन गर्नुभयो ।
विद्यालय व्यवस्थापन समितिका अध्यक्ष बगान सिंह थिङ्ग सभाध्यक्षतामा भएको कार्यक्रममा, पदमपोखरी अस्पतालका प्रमुख शेरबहादुर ब्लोन,आधामार टोल विकास संस्थाका अध्यक्ष धिरेन लोप्चन, प्रहरीचौकी पदमपोखरीका इन्चार्ज लगायतकाको उपस्थिति रहेको थियो ।
उदघाटन समारोहपछि आज विभिन्न विधामा खेलकुद सञ्चालन भएको छ । आज डोरी तान्ने, हट पोट्याटो, स्लो साइकल रेस, स्पोन रेस, दौड, हाउस भर्सेस तथा कक्षा भर्सेस दुवै विधामा खेलकुद सञ्चालन भएको विद्यालयका प्रधानाध्यापक केशव मुडभरीले जानकारी दिनुभयो ।
