हेटौँडा १२ हात्तीगौँडास्थित जनसेवा दुग्ध उत्पादक सहकारी संस्थाको ३० अाैँ वार्षिक साधारणसभा आज सम्पन्न भएको छ । संस्थाका अध्यक्ष ज्ञानेन्द्र ढुङ्गानाको अध्यक्षता तथा जिल्ला समन्वय समिति मकवानपुरका अध्यक्ष ललितबहादुर घलानको प्रमुख आतिथ्यतामा कार्यक्रम भएको थियो ।
कार्यक्रममा संस्थाका सचिव कृष्णप्रसाद दाहालले प्रगति प्रतिवेदन तथा व्यवस्थापक रामहरि पोखरेलले आर्थिक प्रतिवेदन प्रस्तुत गर्नुभएको थियो ।
सो अबसर वर्षभरि सबैभन्दा धेरै दुध बिक्री गर्ने मङ्गलबहादुर लामालाई नगद ५ हजारसहित प्रथम पुरस्कार प्रदान गरिएको थियो भने दोस्रो पुरस्कार अर्जुन लटौलालाई नगद ४ हजारसहित पुरस्कृत गरिएको थियो ।
यसैगरी तृतीय पुरस्कार श्रीराम तिवारी र पाँचौ पुरस्कार शुभेक्षा कृषि फर्मलाई प्रदान गरिएको व्यवस्थापक रामहरि पोखरेलले जानकारी दिनुभयो ।
