नेपाल शिक्षक संगठनको आयोजना तथा हेटौंडा ४ नं.वडा कार्यालयको प्रायोजनामा सहिद सप्ताह अन्तर्गत पुरूष शिक्षकहरूलाई ३ कि.मि. दौड तथा महिला शिक्षकहरूको लागि स्लो स्कुटि रेस सम्पन्न भएको छ ।
पूर्व संघीय युवा तथा खेलकुद मन्त्री पुरूषोत्तम पौडेलको प्रमुख आतिथ्यता, ४ नं. वडाध्यक्ष नवीन सिग्देलको विशेष आतिथ्यता भएको प्रतियागितामा नेपाल शिक्षक संगठनका वागमती प्रदेश सदस्य त्रय बालकुमार श्रेष्ठ, लक्ष्मी अधिकारी प्याकुरेल, सुनिल गौतम लगायतको आतिथ्यता रहेको थियो ।
हुप्राचौरमा भएको स्लो स्कुटि रेस र दौड प्रतियोगिता ४ नं. वडा कार्यालयबाट शुरू भई शितलमहल, ओम भवन, भैरवरोड, मिलनचोक हुँदै ४ नं. वडामै आइपुगेको थियोे । दौडमा ३२ जना र स्लो स्कुटी रेसमा ४० जना शिक्षकले सहभागिता जनाएका थिए ।
पुरूष शिक्षक दौड प्रतियोगितामा भानु मा.वि. गढीका मुकेश चौंलागाँई प्रथम र सोह िविद्यालयका दुर्लभकुमार दुलाल द्वितीय, नवोदय शिशु सदन, हेटौंडाका राम कंशाकार तृतीय, शारदा मा.वि.गढीकै दिनेश सुवेदी चतुर्थ र नवोदय शिशु सदन हेटौंडाका अविरल शाक्य सान्त्वना पुरस्कार प्राप्त गरेको थिए ।
स्लो स्कुटी रेसतर्फ भृकुटी मा.वि. हेटौंडा १४ की सिर्जना थिङ प्रथम, ब्रह्मदिक् एकेडेमी , हेटौंडा ४ कि सुजिता बोम्जन द्वितीय र सोही विद्यालयकी मुना लामा तृतीय भएका थिए ।
नेपाल शिक्षक संगठनका मकवानपुर जिल्ला अध्यक्ष श्रीराम दाहालको सभाध्यक्षतामा उद्धाटन तथा पुरस्कार वितरण कार्यक्रम हेटौंडा ४ नं.वडाको प्राङ्गणमा भएको कार्यक्रमको सञ्चालन जिल्ला सचिव मुकुन्द न्यौपानेले गर्नुभएको थियो ।
