वंशगोपाल माध्यमिक विद्यालय, हेटौडा ६, चौघडमा वार्षिक खेलकुद कार्यक्रम विभिन्न कार्यक्रमको आयोजना गरी आज सम्पन्न भएको छ ।
विद्यालयको क्यालेण्डरमा उल्लेख भए बमोजिम वार्षिक खेलकुद कार्यक्रममा कक्षा नर्सरी देखि कक्षा १० सम्म तहगत तथा सदन अनुसार म्युजिकल चेयर, चम्चा गुच्चा दौड, बलुन नृत्य, बोरा दौड, तातो आलु, लक्की सर्कल , संख्यात्मक दौड, दुई खुट्टे जोडी दौड, डोरी तान्ने प्रतियोगिता, २०० मिटर दौड र छात्रा फुटबल भएको थियो ।
माध्यमिक तह स्तरीय फुटबल प्रतियोगतिा तर्फ चार समूहको बीच भएको खेलमा कक्षा ९ नेपाली माध्यमले कक्षा १० अंग्रेजी माध्यमलाई २–१ ले पराजित गरी प्रथम भएको थियो ।
खेलकुद शिक्षक अन्जन पुडासैनीले विद्यार्थीहरु उत्साहित भएर विभिन्न खेलमा सहभागी भएको बताउनु भयो । फुटबल खेल संयोजक तथा फुटबल खेलका रेफ्री माधब मगरले विद्यार्थीहरुमा अन्य खेल भन्दा फुटबल आकर्षणको रुपमा रहेकोक कुरा व्यक्त गर्नुभयो । साथै शिक्षकहरु बीच भएको म्युजिकल चेयरमा नविना महत प्रथम, साबित्री रिजाल द्वितीय र गीता अधिकारी तृतीय भएका थिए । सबै विधामा प्रथम, द्धितीय र तृतीय हुने उनान्सय जना छात्र छात्रालाई मेडल र प्रमाण पत्र प्रदान गरिने छ ।
