नेकपा माओवादी केन्द्र र जनता समाजवादी पार्टी (जसपा) का सस्थापन पक्षको समायोजन कार्यक्रम आज हेटाँैडामा सम्पन्न भएको छ ।
सो अवसरमा जसपाका नेता तथा कार्यकर्ता माओवादी केन्द्रमा प्रवेश गरेका छन् । जसपाका पुर्व परिषद अध्यक्ष शुभ रत्न गोलेसहित करिब १ सय जना नेता तथा कार्यकर्ता माओवादी केन्द्रमा प्रवेश गरेको बताइएको छ ।
जनता समाजवादी पार्टीमा लामो समय काम गरेका गोलेसहित जिल्लाका पुर्व पदाधिकारी र सदस्यहरु माओवादी केन्द्रमा प्रवेश गरेका हुन् । माओवादी केन्द्रकी नेता तथा बागमती प्रदेशकी सामजिक विकास मन्त्री कुमारी मोक्तान सहितका माओवादी नेताहरुले स्वागत गरेका थिए ।
