हेटौँडा ९ स्थित प्रगति माविमा शुक्रबार अन्तर कक्षास्तरीय फुटबल तथा क्रिकेट प्रतियोगिता आयोजना गरिएको छ ।
हेटौँडा औद्यागिक क्षेत्रको खेल मैदानमा आयोजना गरिएको फुटबल प्रतियोगितामा कक्षा ९ र १० का चार ओटा समूहले भाग लिएका थिए । प्रतियोगितामा सहभागीमध्ये कक्षा ९ को धौलागिरि समूह विजयी भएको छ । धौलागिरी समूहले कक्षा ९ कै अङ्ग्रेजी माध्यमको समूहलाई १–० गोल अन्तरले पराजित गरेको हो ।
प्रतियोगिता अन्तर्गत आजै भएका पलिो र दोस्रो खेलमा जित निकाल्दै ९ कक्षाका दुवै समूह फाइनलमा पुगेको थिए ।
पहिलो खेलमा कक्षा ९ को अङ्ग्रेजी माध्यमले कक्षा १० को पहिलो समूहलाई पराजित गरेको थियो । सो खेलमा निर्धारित समयसम्म कुनै टिमबाट पनि गोल हुन नसकेपछि ट्राइब्रेकरबाट खेलको निर्णय लिइएको थियो ।
यसैगरी दोस्रो खेलमा धौलागिरि समूहले कक्षा १० कै अर्काे समूहलाई २–० गोल अन्तरले पराजित गरेको हो ।
यसैगरी क्रिकेट प्रतियोगितामा कक्षा ९ विजयी भयो । कक्षा ९ ले कक्षा १० लाई पराजित गरेको हो ।
