युवा राष्ट्रको सेवामा समर्पित हुनुपर्छ । युवा देशमा सकारात्मक परिवर्तनमा उद्यत हुनुपर्छ । युवा राष्ट्रप्रति सधैँ सचेत र सजग रहनुपर्छ । त्यति मात्र होइन युवाहरू विकृति विरुद्ध एकजुट हुनुपर्छ । राष्ट्रमा नागरिकका विरुद्ध हुने हरेक गलत कामका विरुद्ध खरो उत्रिनुपर्छ । महँगी विरुद्ध चर्काे स्वरमा आवाज उठाउनुपर्छ । भ्रस्टाचारका विरुद्ध जुध्न अगि सर्नुपर्छ । कालो बजारी नियन्त्रणमा आफ्नो शक्ति परिचालन गर्नुपर्छ ।
जब देशका युवाहरू निस्वार्थ ढङ्गले यस कार्यमा लाग्छन् तब मात्र देशमा विकृति र विसङ्गति कम भएर जान्छन् । महँगी नियन्त्रण हुन सक्छ । जनताको पक्षमा साँचो मनले युवा लागे भने नागरिकले अहिले जस्तो सास्तीपूर्ण जीवन जीउनु पर्दैनथ्यो ।
यसका लागि युवा कसैबाट परिचालित हुनु हुँदैन । युवा आफ्नो स्वविवेकले चल्नुपर्छ । कुनै झुन्डको पछि लागेर आफ्नो स्वार्थ पूरा गर्न लाग्ने युवाबाट समाजमा सुशासनका अपेक्षा गर्नु आकाशको फल आँखा तर मर भने जस्तै हुन्छ ।
आइतबार मकवानपुरका युवाहरूले भ्रस्टाचार विरुद्ध र महँगी विरुद्ध हेटौँडामा विरोध प्रदर्शन गरे । राष्ट्रिय युवा संघ नेपाल मकवानपुरले सरकारले गरेको अस्वभाविक मूल्यवृद्धिको विरूद्धमा विरोध प्रदर्शन गरेको हो । उसले मोटरसाइकल तथा स्कुटर धकेली मुल्यवृद्धिको विरोध गरेको थियो ।
सरकारले एलपी ग्यास, पेट्रोलियम पदार्थ, खाद्यान्न लगायत अन्य उपभोग्य वस्तुहरुमा भइरहेको चर्को मूल्यबृद्धि गरेको भन्दै त्यसको बिरोधमा सिमाचोकदेखि बुद्धचोकसम्म युवाहरुले मोटरसाइकल तथा स्कुटर धकेलेर ¥यालीसहित बिरोध गरेका हुन् ।
हो देशमा महँगीले सीमा नाघेको छ । नागरिकलाई बिहान बेलुकाको छाक टार्न धौ धौ पर्ने अवस्था आइसकेको छ । सामान्य आमदानी भएका सर्वसाधारणले अब बाँच्न नसक्ने अवस्था सिर्जना भएको छ । यसका विरुद्ध सरकारलाई दबाब दिनु अति नै आवश्यक छ । युवा संघले गरेको यो कदम अत्यन्तै सह«ानीय छ । ढिलै भए पनि युवा संघले यो काम सुरु गरेकोमा धन्यवाद दिनै पर्छ ।
युवा संघ र कुनै पार्टी विशेषका युवा मात्र होइन सम्पूर्ण देशका युवाहरू एकजुट भएर यसका विरुद्ध लाग्नैपर्छ । देशमा भइरहेको कालो बजारी नियन्त्रण गर्नुपर्छ । महँगी नियन्त्रण गर्नका लागि विभिन्न उपायको खोजी गर्नुपर्छ । भ्रस्टाचारका छिद्रको खोजी गरी कानुनी कारबाहीको दायरामा ल्याउने भूमिका निर्वाह गर्नुपर्छ । यस काममा कुनै पनि दल, समूह र गुटबाट युवाशक्ति मुक्त भएर निस्वार्थ ढङ्गले देश र नागरिकप्रति जिम्मेवार बन्न सक्नुपर्छ । यस काममा राष्ट्रिय युवा संघले आवाज उठाइरहँदा अन्य दलका युवाहरू किन मौन छन् ? यो कुरा बुझ्न सकेको छैन ।
तर के युवा संघले गरेको यो सामान्य विरोध प्रदर्शनले देशको महँगी नियन्त्रण गर्न सक्छ त ? अझ भन्ने हो भने युवा संघले देशको महँगीबाट चिन्तित भएरै प्रदर्शनमा उत्रिएको हो त ?
के नागरिकको कष्टपूर्ण जीवन र दैनिकीले नै उसलाई पोलेको हो त ? कि आफ्नो माउ पाटीको आरती उतार्ने मनसायले गरेको हो यो प्रदर्शन ! माउ पार्टीले दिएको निर्देशनलाई अनुचरले झैँ लुरुलुरु मान्दिए जस्तो गरेर गरेको यस्तो विरोध प्रदर्शनले महँगी नियन्त्रण होइन राजनीतिको खेती मात्र मौलाउँछ ।
यो प्रदर्शन नागरिकप्रति चिन्ताले होइन, राजनीतिक खेतीको गोडमेल हो । आगामी निर्वाचनका लागि मलजल मात्र हो । यदि उनीहरूलाई वास्तवमै देशप्रति चिन्ता हो भने अन्य युवाहरूलाई किन आह्वान नगरेको यस अभियानमा ? यदि यो नागरिकको पूजा हो भने किन सबैलाई समेट्न नसकेको ? सबैसँग सल्लाह किन नलिएको ?
सङ्कुचित सोचबाट उठेको आन्दोलनले देशलाई र नागरिकलाई फाइदा होइन झन् हानी पु¥याउँछ । यस्तै सङ्कुचित सोच राख्ने युवाहरू भए भने भविष्यमा कस्ता राजनेताको जन्म होला ?
मकवानपुर जिल्लाले सधैँ यस्तो सानो घेराबाट माथि उठ्न नसक्ने नेता मात्र पाइरहने हो ? अहिलेसम्म जति नेता सांसद र मन्त्री बने सबैमा यस्तो सङ्कुचित विचारभन्दा केही देखिएन । कसैले पनि आफ्नो पार्टी, समूह र गुटभन्दा माथि उठेर काम गरेको देखिएन । उनीहरूकै युवाहरू फेरि त्यही मानसिकता लिएर जन्मिदै छन् भने अब फेरि कस्ता नेताको जन्म होला यो समाजमा ?
यस्तै अवस्था भइरहने हो भने किन दलको पछि लाग्ने भन्ने आम नागरिकमा पर्न थालिसकेको छ ।
के यहाँ युवाहरूमा देश प्रति अलिकति चिन्ता छ ? नागरिकले पाएको सास्तीप्रति थोरै पनि चिन्ता छ ? कहीँ कतैबाट युवाहरूको यस्तो चिन्ता र चासा देखिँदैन । यहाँ युवा संघसंगठन, विद्यार्थी संघ संगठनहरूलाई माउ पार्टीको चाकरी गर्नु छ । मूल नेतृत्वलाई खुसी बनाउनु छ । आफू माथि जाने भ¥याङ निर्माण गर्नु छ ।
यहाँ अगाडि नागरिकका पीडा बोलिदिए जस्तो गर्ने र भित्री मनसाय आफू सत्ताको राप ताप्न पुग्ने भन्दा बाहेक केही पनि देखिँदैन । अहिलेसम्म नेकपा एमाले, नेपाली काँग्रेस, नेकपा माओवादीले नागरिकका नाममा कति पटक आन्दोलनको स्वाँङ रचे । कति टायर बालेर आफ्नो स्वार्थको रोटी सेकाए ? सबैलाई जगजाहेर भएको कुरा हैन र ।
आज आएर नागरिकलाई महँगीले पि¥यो भन्दै मोटरसाइकल धकेल्दैमा सबैले विश्वास गरिहाल्छन् भन्ने लागेको होला । आफ्नै पार्टीलाई खुसी पार्न विरोध प्रदर्शनको नाटक गर्नेहरूलाई फेरि पनि नागरिकले विश्वास गर्छन् भन्ने लागेको होला । अब यस प्रकारको देखावटी राजनीतिक स्वाँग कुनै पनि दलका युवा समूहले नरच्दा हुन्छ ।
गलत राजनीतिज्ञलाई साथ दिये को परिणाम हो
के विधि जाँगर चलेकाे लेख्नलाई