मनहरी गाउँपालिकाको ५ वटा वडामा रहेको
बालबालिहरुको अवस्था बारे संकलन गरिएको तथ्याङ सार्वजनिक गरिएको छ । सिविन नेपाल
मकवानपुरले गाउँपालिकाको १ , ३ , ५ ,७ र ९ नम्बर वडामा बसोबास गर्ने
बालबालिकाको अवस्था पहिचान गर्न संकलन गरिएको तथ्याङ मंगलबार मनहरी –९ रजैयामा रहेको अग्निहोत्राश्रमको
सभाहलमा एक कार्यक्रमको आयोजना गरि सार्वजनिक गरिएको हो ।
६ हजार ३ सय ५७ घर धुरिमा पुगि
अभिभावकहरु संग ८ हजार ७ सय ८७ जना बालबालिका बारे बिभिन्न विषयमा प्रश्नोत्तर
गरिएको थियो ।
तथ्याङ अनुसार उक्त वडाको कुल
बालबालिका मध्ये ७हजार १ सय १८ बालबालिका बिद्यालय भर्ना भएका मध्ये २ सय ८० जना
बालबालिहरुले बिद्यालय छाडेको सिविन नेपालको तर्फबाट विषय विज्ञ भाष्कर खनालले
प्रस्तुत गरेको तथ्याङमा उल्लेख गरिएको छ ।
बालबालिकाहरुले बिद्यालय
छाड्नुको मुख्य कारण आर्थिक अवस्था कमजोर र बिद्यालय टाँडा भएका कारण देखाएइको छ ।
त्यसै गरि बालश्रममा संलग्न ६८
घर धुरिको ७४ जना बालबालिका अझै बालश्रम गरिरहेका छन भने ४७ जना बालबालिकाहरु बाल
विवाहको उच्च जोखिममा रहेको तथ्याङकमा उल्लेख गरिएको छ ।
त्यसै गरि तथ्याङक अनुसार ७१
जना बालबालिका अपाङग रहेका छन । कार्यक्रममा बोल्दै मनहरी गाउँपालिकाका अध्यक्ष
रन्जन कालाखेतीले गाउँपालिकाको बालबालिको संरक्षण गर्ने जिम्मा गाउँपालिकाको रहेको
बताउदै तथ्याङकले देखाएको नकरात्मक पाटाको सुधारमा ध्यान दिने बताए ।
बालश्रम
र बाल विवाह रोक्न निकै कठिनाईका विच सिविन नेपाल संगको सहकार्यमा बिभिन्न
कार्यक्रम सञ्चालन गरिरहेको बताए ।
कार्यक्रममा बोल्दै सिविन नेपाल
मकवानपुरको प्रबन्धक झविन्दै ज्ञवालीले बाल विवाह ,बाल श्रम लगाएतका बिभिन्न विषयमा
स्थानिय सरकार स्वयम जिम्मेवारी पुर्वक काम गर्न सुझाव दिए ।
साथै पाँचै वडाको तथ्याङ वडा गतरुपमै सार्वजनिक गरिने बताए । कार्यक्रम सिविन नेपाल मकवानपुरका प्रबन्धक झविन्द्र ज्ञवालीको अध्यक्षतामा सम्पन्न कार्यक्रम गाउँपालिका अध्यक्ष रञ्जन कालाखेतीको प्रमुख आतिथ्यता रहेको थियो भने वडा न.–१का अध्यक्ष शिवप्रसाद खनाल , वडा नं.–३ का अध्यक्ष अन्नत प्रकाश अर्याल, वडा नं.–५ का अध्यक्ष दीपेन्द्र अधिकारी र वडा नं.–९ का अध्यक्ष राजकुमार श्रेष्ठ , गाउँपािलकाका प्रमुख प्रशासकिय अधिकृत रमेश सुवेदी , गाउँपालिकाको बिभिन्न शाखा प्रमुख , टोल विकास सस्थाका अध्यक्ष र पत्रकारको उपस्थीती रहेको थियो ।
