साँस्कृतिक सम्पदा संरक्षण तथा परम्परागत खेलकुद प्रवद्र्धन गर्ने उद्देश्यले धादिङमा जेष्ठ नागरिकका बिच खेलकुद प्रतियोगिताको आयोजना गरेको छ ।
६० वर्ष माथिका जेष्ठ नागरिकविच बाघचाल, गट्टा र डण्डीबियो प्रतियोगिता आयोजना गरेको हो । साँस्कृतिक सम्पदा संरक्षण तथा परम्परागत खेलकुद प्रवर्द्धन गर्न शिक्षा विज्ञान तथा प्रविधि मन्त्रालय, युनेस्कोको निमित्त नेपाल राष्ट्रिय आयोगले खेलकोआयोजना गरेको थियो ।
विजयी खेलाडीहरुलाई नगद सहित प्रमाणपत्र र दोसल्ला ओडाएर सम्मान गरिएको थियो ।
आधुनिकताको प्रवेश संगै लोपहुने अवस्थामा पुगिसकेका परम्परागत खेलकुदको प्रतियोगिता भएकोमा कार्यक्रममा सहभागी जेष्ठ नागरिकहरुले खुसी व्यक्त गरेका थिए । प्रतियोगिताको विजयी खेलाडीहरु बाघचाल र गट्टा तर्फ प्रथम, द्वतिय, तृतिय र सान्तोनालाई क्रमशः २५सय, २ हजार, १५ सय र १ हजार, डण्डी बियो प्रथम हुने खेलाडीहरुलाई जनही २ हजार र द्वितिय हुने खेलाडीलाई जनही १२ सय नगद सहित दोसल्ला ओडाएर सम्मान गरिएको थियो ।
