हेटौंडा ६, चौघडामा रहेको वंशगोपाल माध्यमिक विद्यालयमा आधारभूत तह स्तरीय स्क्याबल प्रतियोगिताको अन्तिम खेल सोमबार सम्पन्न भएको छ । ६० औं बाल दिवसको अवसरमा आयोजित प्रतियोगिताको पहिलो चरणको खेल शुक्रबार गरिएको र अन्तिम चरणको खेल सोमबार सम्पन्न भएको हो । वंशगोपाल स्क्याबल क्लबका संयोजक कृतिका गौतमको अध्यक्षता तथा मकवानपुर स्क्रयाबल कल्बका संयोजक विबश थापाको प्रमुख आतिथ्यतामा सम्पन्न कार्यक्रममा कक्षा ६ देखि ८ सम्मका २४ विद्यार्थीहरूको सहभागिता रहेको थियो । प्रतियोगितामा कक्षा ६का डेभिड विक, कक्षा ८ का रुबी गौतम र दिक्षा हेम्जन उत्कृष्ट भएका थिए ।
प्रतियोगिताको निर्णायकमा वंशगोपाल स्क्याबल कल्बका सदस्यहरू सन्दिप चौलागाई, सज्जित लामिछाने, संकल्प तिमल्सिना, अनमोल गौतम र सुवर्ण लामा रहेका थिए । कार्यक्रमका प्रमुख अतिथि थापाले विद्यार्थीहरुलाई स्क्याबल सम्बन्धी परिमार्जित नियमको जानकारी गराउनुको साथै यस बर्षको जिल्ला स्तरीय स्क्रयाबल प्रतियोगिता यही असोज ९ गते हुन गइरहेको समेत जानकारी गराउनुभयो । जिल्ला संयोजक थापाले यस खेलले विद्यार्थीहरुमा शब्द भण्डारको विकास हुनुको साथै एक आपसमा सहयोग, सिर्जनात्मक क्षमता र सिकाइमा प्रभावकारीता ल्याउने बताउनुभयो । विद्यालयमा बिगत ४ बर्ष देखि स्क्रयाबल कल्ब गठन गरी निरन्तररुरुपमा स्क्रयाबल खेल्दै आइरहेको विद्यालयका शिक्षक सरोज लामिछानेले बताउनुभयो ।
