बसामाडी जेसीआई वर्ष २०२४ का उपाध्यक्ष आयूष बोम्जन ‘मिस्टर नेपाल २०२४’ प्रतियोगितामा सहभागी भएका छन् । आयूष बोम्जन हेटौंडा उपमहानगरपालिका १५ नं वडाका स्थानीय रहेका छन् ।
बसामाडी जेसीआई वर्ष २०२४ का अध्यक्ष उद्धव राज कठायतले मकवानपुर हेटौंडा नगरवासीको शान, आयूष बोम्जनलाई मिस्टर नेपाल २०२४ को विजेता बनाउन सम्पूर्ण नगरवासीलाई एकजुट हुन आह्वान गर्नुभएको छ ।
आयूष हाम्रो हेटौंडाको मात्र नभई सम्पूर्ण मकवानपुरको शान हुनुहुन्छ, उहाँलाई विजयी गराउन हामी सबैले आ-आफ्नो तर्फबाट सक्दो सहयोग र समर्थन गर्नुपर्छ ।’ प्रतियोगितामा विजयी हुन प्रस्तुति र भोटिङ दुवैको महत्व रहने भएकोले अध्यक्ष उद्धव राज कठायतले सबै जेसीज मनहरुलाई र मकवानपुर बासी सबैलाई भोटिङ प्रक्रियामा सहयोग गर्न अपिल गर्नुभयो ।
आयूष भोटिङ राउण्डमा पुगेका छन् । मिस्टर नेपाल २०२४ प्रतियोगितामा आयूष बोम्जनको भोटिङ कोड नं ६ रहेको छ । भोट हाल्नका लागि ई-सेवा एप डाउनलोड गर्नुपर्नेछ । एपमा भोटिङ र इभेन्ट सेक्सनमा गएर ‘मिस्टर नेपाल’ को भोटिङ अप्सनमा गई कोड ६ छनोट गरेर भोट दिन सकिन्छ । प्रतियोगिताको आयोजक नेक्स्ट मोडल्स नेपालका अनुसार १८ देखि ३२ वर्ष उमेर समूहका युवाहरूलाई यस प्रतियोगितामा सहभागी हुने अवसर प्रदान गरिएको थियो । विजेताले मिस्टर वल्र्ड २०२४ वा मिस्टर ग्लोबल २०२४ मा नेपालको प्रतिनिधित्व गर्ने अवसरका साथै नगद पुरस्कार र विभिन्न उपहारहरू प्राप्त गर्नेछन् ।
यसरी बसामाडी जेसीआई वर्ष २०२४ का उपाध्यक्ष आयूष बोम्जनलाई मिस्टर नेपाल २०२४ को ताज पर्हियाउने लक्ष्यका साथ सम्पूर्ण जेसीज मनहरु, स्थानीय समुदाय र जनप्रतिनिधिहरूलाई सहयोग गर्न समेत अनुरोध गरेका छन् । आयूषको व्यक्तिगत सफलतालाई बढावा दिनुको साथै समग्र हेटौंडा र मकवानपुर जिल्लाको गौरव बढाउने अपेक्षा गरिएको छ ।
