हेटौँडामा जारी स्वर्गीय सुदर्शन स्मृति च्यालेन्ज कप फुटबल प्रतियोगिता अन्तर्गत रियल स्टार क्लब फाइनल प्रवेश गरेको छ । सोमबार हेटौंडा -५, पिप्लेस्थित क्याम्पा रंगशालामा भएको पहिलो सेमीफाइनल खेलमा नव जनजागृति युवा क्लब सिमरालाई ट्राइब्रेकरमा ४-३ गोल अन्तरले हराउँदै रियल स्टार क्लब फाइनल प्रवेश गरेको हो ।
निर्धारित खेल समयमा बराबरीपछि खेल ट्राइब्रेकरमा धकेलिएको थियो । खेलको म्यान अफ द म्याच रियल स्टार क्लबका मेन डिफेन्स ९ नं जर्सी सोहन मोक्तान घोषित भएका थिए । फाइनल खेलका बुधबार रिगल हेटौंडा रिसोर्ट एन्फा मकवानपुर बिच रियल स्टार क्लब बिच फाइनलको लागि प्रतिस्पर्धा रहेको छ ।
प्रतियोगिताको फाइनल खेल बुधबार हुनेछ । प्रतियोगिताको विजेताले एक लाख ११ हजार एक सय ११ रुपैयाँ तथा उपविजेता टिमले नगद ५५ हजार रुपैयाँ प्राप्त गर्नेछन् । प्रतियोगिताको सर्वोत्कृष्ट खेलाडीले नगद १५ हजार रुपैयाँ प्राप्त गर्ने छ ।
नव जनजागृति युवा क्लब सिमरालाई हराउँदै रियल स्टार फाइनल प्रवेश

११ मंगशिर २०८०, सोमबार