नेपाल राष्ट्रिय शिक्षक संगठन हेटौंडा उपमहानगर समिति कृष्ण प्रसाद पोखरेलको नेतृत्वमा नयाँ कार्यसमिति चयन भएको छ। समितिको शनिबार सम्पन्न तेस्रो उपमहानगर अधिवेशनले कृष्ण प्रसाद पोखरेलको नेतृत्वमा नयाँ कार्यसमिति चयन गरेको हो।
गोपि रमण प्याकुरेलको सभाध्यक्षता तथा बागमती प्रदेशका पुर्व मुख्यमन्त्री डोरमणी पौडेलको प्रमुख आतिथ्यमा सम्पन्न भएको अधिवेशनले ३४ सदस्यीय कार्यसमिति गठन गरेको हो। नवनिर्वाचित समितिमा उपाध्यक्षद्वयमा सृजना रानाभाट र रत्न बहादुर स्याङ्तान, सचिवमा चिरन्जीवी घिमिरे, कोषाध्यक्षमा प्रेम बहादुर स्याङ्तान, सह-सचिवमा सृजना कुमारी शर्मा र सह-कोषाध्यक्षमा उमा लामा रहेका छन्।
कार्यक्रममा हेटौंडा ४ का वडाध्यक्ष नविन सिग्देल लगायत संगठनका विभिन्न तहका पदाधिकारीहरूको उपस्थिति रहेको थियो।