हेटौँडा उपमहानगरपालिका वडा नं १७ को गैरीगाउँमा सडक भासिएर ना ४ च ४८३३ नम्बरको बोलेरो गाडी डुबेको छ । गएको शुक्रबार जमिन भासिएर गाडी बेपत्ता भएको हो ।
सबैको उत्सुकता रहेको घटनाको अध्ययनका लागि आएको खानी तथा भूगर्भ विभागको भूगर्भविद् नारायण अधिकारीको टोलीले घटनास्थलको अध्ययन गरेको थियो । । गाडी दबिएको भनिएको ठाउँमा धेरै ठूलो खाडल बनेको र माटो पनि खसिरहेको भूगर्भविद नारायण अधिकारीले बताउनुभयो । खाडलभित्र पानी पनि जमेकोले काम गर्न निकै चुनौतीपूर्ण भएकोले अध्ययनको काम स्थगित गरेको उहाँले बताउनुभयो । पहिलो चरणको कार्य सम्पन्न गरी भूगर्भविद्हरु काठमाडौ फर्किएको र संकलित तथ्य र नमुनाको परीक्षणपछि अर्को चरणको अध्ययन हुने जानकारी दिएको छ ।
