जनता समाजवादी पार्टीले हेटौंडा उपमहानगरपालिका वडा नम्बर १० मा दिपेन्द्र राना मगरको अध्यक्षतामा ९ सदस्यीय वडा कमिटी गठन गरेको छ ।
वडा स्तरिय गठन भएकाले अब टोलस्तरीय कमिटी पनि गठन गर्ने पार्टीका सुवास लामाले बताउनुभयो । साङ्गठनिक गतिविधिलाई तिव्रता दिने जनताको हरेक समस्यामा अग्रसर भइ अगि बढ्ने उहाँले प्रतिवद्धता जनाउनुभयो ।
प्रमुख अतिथि, जनता समाजवादी पार्टीका मकवानपुर जिल्ला सचिव दीपक सिन्तानले संविधानमा भएका हक अधिकारहरुलाई जनताले प्रत्यक्ष महसुस गर्न पाउने गरी अभियान सञ्चालन गर्ने बताउनुभयो । मुख्य रूपमा संविधानमा भएको मौलिक हकको कुरा आधारभूत आवश्यक कुराहरु संविधान अनुरुप कार्यन्वयन गराउन लाग्ने र त्यससँग सम्बन्धित निकायहरुलाई ध्यानाकर्षण गराइ अघि बढ्ने बताउनुभयो ।
वडा नम्बर १० का अध्यक्ष दीपेन्द्र राना मगरले पहिलाको संगठनबाट र माथिल्लो तहको नेतृत्वबाट सही तरिकाको कार्य नभएको र पार्टीलाई व्यक्ति विशेषले बन्धक बनाएको हुनाले सबैलाई मिलाएर अघि बढ्ने प्रतिबद्धता जनाउनुभयो ।
कार्यक्रममा प्रमुख अतिथिमा जनता समाजवादी पार्टीका जिल्ला सचिव दीपक सिङ्तान र अतिथिमा जनता समाजवादी पार्टका जिल्ला सदस्य सुवास लामा लगायत अन्यको उपस्थिति रहेको थियो ।
