बकैया गाउँपालिका वडा नम्बर १२ मा पर्ने कान्ती माध्यमिक बिद्यालयमा पठनपाठन गर्ने बिद्यार्थी सहित सडकमा हुने जोखिम, अपराध सुरक्षाको लागि सिसिटिभस् जडान गरिएको छ । गाउँपालिका उपाध्यक्ष भक्तबहादुर खत्रीको पहलमा आज उक्त स्थानमा ३ थान सिसिटिभी जडान गरिएको कान्ति माध्यमिक बिद्यालयका ब्यबस्थापन समिति अध्यक्ष रुपेन घलेले जानकारी दिनुभयो ।
अध्यक्ष घलेले अनुसार रु. ४ लाख लागतमा सिसिटिभी जडान गरिएको बताउनुभयो । उहाँको अनुसार कान्तिलोकपथमा बढ्दो सवारी दुर्घटना र अपराध नियन्त्रण गर्न र बिद्यार्थीको सुरक्षामा निगरानी बढाउनको लागि उक्त कार्य गरिएको हो ।
सिसिटिभी जडान एबम्र हस्तान्तरण गर्नुहुँदै पालिका उपाध्यक्ष खत्रीले जोखिम न्युनिकरण गर्न सहज हुने बताउनुभयो । उहाँले बिद्यार्थीको आवतजावतमा उक्त निगरानीले सुरक्षा प्रदान गर्ने बताउनुभयो ।
कार्यक्रममा उक्त वडाका अध्यक्ष ज्ञानेन्द्र बजगाई, बकैया योजना शाखाका प्रमुख मिलन दुलाल, वडा सचिब लक्ष्मणप्रसाद घिमिरे लगाएतको सहभागिता रहेको थियो ।
