हेटौडा ६, चौघडामा रहेको वंश गोपाल माविमा कारखाना समूह, काठमाण्डौंको खेल्दै सिक्दै टिकप परियोजना सञ्चालन भएको छ ा
कक्षा ६ देखि ८ सम्मका त्रिसठ्ठी जना विद्यार्थीको सहभागिता रहेको खेल्दै सिक्दै कार्यक्रममा बाह्र ओटा परियोजना कार्य पूरा गर्नु पर्ने रहेको छ । जसमा बलुन गाडी, क्याटापुल्ट, क्रोमाटोग्राफी, चित्रमा एलइडी, पेरिस्कोप जस्ता परियोजना समुहमा निर्माण गर्नुपर्ने रहेको खेल्दै सिक्दै कार्यक्रमका सहजकर्ता शिक्षक रित बहादुर श्रेष्ठले बताउनुभयो । खेल्दै सिक्द परियोजनाले विद्यार्थीमा समुहमा काम गर्ने बानी, सृजनात्मक सीप, सामाजिक अन्तरक्रिया, अर्थपुर्ण सक्रिय सहभागिता हुने अर्का सहजकर्ता शिक्षक नबिना महतको धारणा रहेको छ ।
कार्यक्रम भाद्र ५ गते देखि नियमित हुदै आएको र हाल सम्म ५ ओटा परियोजना सम्पन्न भइसकेको छ । कारखाना समुहले साउन २५ र २६ गते विभिन्न विद्यालयका २ शिक्षकहरूलाई प्रशिक्षण दिएको र प्रशिक्षण पश्चात आ आफ्नो विद्यालयमा गएर परियोजना सञ्चालन गनुपर्ने रहेको थियो ।
