हेटौँडा ९ त्रिवेणीनगर स्थित शुभ डेरी इन्डस्ट्रिज प्रालिले लामो समयदेखि किसानलाई दुधको पैसा भुक्तानी नगरे भन्दे किसानहरूले चिन्ता व्यक्त, गरेका छन् ।
असार महिनादेखिको दुधको पैसा दुध डेरीले भुक्तानी नगरेको भन्दै किसानहरूले चिन्ता व्यक्त गरेका हुन् ।
शुभडेरीले लामो समयदेखि किसानको दुधको पैसा नदिएको भन्दै किसान कविन्द्र राज भट्टराईले गुनासो गर्नुभएको छ । उहाँले सामाजिक सञ्जालमा अहिलेसम्म आफूले पाँच सय लिटर दुध शुभ डेरीलाई बिक्री गरिसक्दा एक रुपियाँ पनि पैसा नपाएको बताउनुभयो ।
शुक्रबार बिहान डेरीका दूध भर्ने कर्मचारीसँग किसानहरूले गुनासो पोख्दै तत्काल पैसा दिन आग्रह गरेको थिए । तर कर्मचारीले डेरीको मेसिन महिनामा पाँच दिन मात्र चल्ने र अन्य दिन मेसिनले काम नगर्ने हुनाले भुक्तानी दिन नसकिएको बताए ।
यता शुभ डेरीका सञ्चालक ज्ञान राज लामासँग बुझ्दा उहाँले साउनसम्मको रकम किसानलाई भुक्तानी दिएको र भदौको तिहारअघि भुक्तानी गर्ने बताउनुभयो र त्यसपछि लगभग एक महिनाको रहने र बजार राम्रो भएमा नियमित रकम उपलब्ध गराउनमा सहज हुने भन्नुभयो । केही समयअघि दुधको मूल्य बढेको तर दुधको बजार ६० देखि ६५ घटेको र मकवानपुरमा मिल्क होलिडे भइरहेको कारणले दुधको उपभोक्तामा कमी भएकोले भुक्तानीमा केही ढिलाइ हुन पुगेको बताउनुभयो । “अन्यत्र डेरीमा मिल्क होलिडे भए पनि हामीले किसानलाई मर्का नपरोस भनेर नियमित दुध संकलन गरिरहेका छौं” उहाँले भन्नुभयो ।
डेरीको ९५ प्रतिशत कच्चा पदार्थ दुध नै रहेको हाल बटर र पाउडर मात्र ६–७ करोड जतिको बाँकी रहेको, समय र किसानहरूसंग हालेमालो गर्दै अघि बढनुपर्ने, छुर्पी बाहिर निर्यात गराउने गरेको बताउनुभयो ।
