हेटौँडा उपमहानगरपालिका वडा नम्बर १३ स्थित महेन्द्र माविले आज अभिभावक प्रशिक्षण कार्यक्रम गरेको छ ।
शैक्षिक सत्रको पहिलो दिन विद्यालयले अभिभावक प्रशिक्षण कार्यक्रम गरेको हो । अभिभावक प्रशिक्षण तथा साक्षात्कार कार्यक्रममा बिद्यालयद्वारा शैक्षिकसत्र २०८० मा सञ्चालित विभिन्न असल अभ्यासहरुको बारेमा जानकारी दिइएको थियो । साथै आगामी शैक्षिकसत्र २०८१ मा पालना गर्नुपर्ने जिम्मेवारीको बिषयमा अभिभावक समक्ष प्रस्तुत गरिएको विद्यालयका प्रधानाध्यापक विष्णु श्रेष्ठले जानकारी दिनुभयो ।
कार्यक्रममा अभिभावकहरूको उल्लेख्य उपस्थिति रहेको प्रधानाध्यापकश्रेष्ठले बताउनुभयो । वैशख १० गतेदेखि नियमित कक्षा सुचार गरिने उहाँले बताउनुभयो ।
