महेन्द्र मावि बकैया तथा झरना साहित्यिक परिवारको संयुक्त आयोजनामा आज छतिवनमा तीजविशेष सांस्कृतिक कार्यक्रम सम्पन्न भएको छ । सोही विद्यालयका प्राथमिक तह तथा माध्यमिक तहका विद्यार्थीबिच छुट्टाछुट्टै नृत्य प्रतियोगिता भएको थियो । सो प्रतियोगितामा रीतिका माझीको समूह प्रथम, आराध्या बस्नेतको समूह द्वितीय र सोविक्षा थिङको समूह तृतीय भएको थियो । यसै गरी माध्यमिक तहतर्फ सलिना भोम्जनको समूह प्रथम, रेसु जिम्बाको समूह द्वितीय र सुविना श्रेष्ठको समूह तृतीय भएको थियो । विजितहरूले नगद तथा स्टेसनरी पुरस्कारका रूपमा पाएका थिए ।
निर्णायकको भूमिका शिक्षकहरू सम्झना केसी, कल्याण राई तथा दीपा बलले निर्वाह गरेका थिए । कार्यक्रममा बकैया-५ की वडाध्यक्ष लक्ष्मी जिम्बा, बकैया-४ का कार्यवाहक वडाध्यक्ष विजय भोलन, कार्यपालिका सदस्य लक्ष्मी माझी, विव्यस अध्यक्ष परशुराम गौतम, नगद पुरस्कार प्रायोजक चन्द्रकुमार राई, पूर्व प्र अ नारायण चापागाईं, झसाप सचिव मसान उपासकलगायतले बोलेका थिए ।
कार्यक्रमको सञ्चालन विदुर बोलखेले, स्वागत मन्तव्य निमित्त प्रधानाध्यापक छवि राईले व्यक्त गरेको सो कार्यक्रमको प्रमुख आतिथ्य झरना साहित्यिक परिवारका संस्थापक अध्यक्ष रमेशमोहन अधिकारीले गरेका थिए । कार्यक्रमको सभाध्यक्षता झसापकी उपाध्यक्ष गायत्री रुपाखेतीले गरेकी थिइन् ।
