नेपाल क्रिकेट संघ (क्यान) को बागमती प्रदेश अध्यक्षमा राष्ट्रिय क्रिकेट टीमका पूर्वकप्तान पारस खड्का विजयी हुँदा मकवानपुृरका प्रेम क्षेत्री उपाध्यक्ष पदमा निर्वाचित भएका छन् । क्षेत्री खड्काकै प्यानलबाट उम्मेद्वार बनेका थिए । खड्काको प्यानलै निर्वाचित भएको हो ।
मदन भण्डारी स्पोर्ट्स एकेडमी मकवानपुर क्रिकेट भिागका अध्यक्षसमेत रहेको क्षेत्री बागमती प्रदेश क्रिकेट संघका अहिले पनि उपाध्यक्ष नै रहेका थिए । उपाध्यक्षमा प्रेमबहादुर क्षेत्री २३ मतका साथ निर्वाचित हुँदा रुपक रञ्जित १४ मत मात्र पाएका थिए ।
जम्मा ३७ मत खसेको थियो । अध्यक्षमा खड्काले २३ मत प्राप्त गर्दा उमेश पियाले १४ मात्र मत प्राप्त गरेका छन् ।
यसैगरी सचिवमा प्रशन्न शाक्य २३ मतसहित निर्वाचित भएका छन् । कोषाध्यक्ष्मा सञ्जय बस्नेत २३ मतका साथ विजयी भए । महिला सदस्यामा निरा राजोपाध्याय निर्विरोध निर्वाचित भइन् ।
सदस्यहरूमा अजयविर पाण्डे, अनिल अधिकारी, सञ्जोग श्रेष्ठ, सुजन महर्जन, धीरज श्रेष्ठ, शेखर श्रेष्ठ र बसन्तराज सत्याल विजयी भएका छन् ।