हेटौडा १९ मा अवस्थित एपिकल एकेडेमीमा स्क्रयााबल खेल सम्बन्धि अभिमुखीकरण कार्यक्रम आइतबार सम्पन्न भएको छ । मकवानपुर स्क्याबल कलबका संयोजक विवश थापाको प्रमुख आतिथ्यमा सम्पन्न कार्यक्रममा कक्षा ५देखि ९ सम्मका विद्यार्थीहरुलाई स्क्याबल सम्बन्धी अभिमुखीकरण गराइएको थियो।
कार्यक्रममा जिल्ला संयोजक थापाले यस खेलसम्बन्धी नियमहरु र यसले विद्यार्थीहरुमा शब्दको विकास गराउनुको साथै एक आपसमा सहयोग र सिकाइमा प्रभावकारीता ल्याउने बताउनुभयो । यसैगरी कार्यक्रममा विद्यालयका प्रधानाध्यापक आशिष कार्कीले यो खेल अत्यन्त नयाँ भएको र यसले विद्यार्थीहरुमा शब्दभण्डार वृद्धि गराउनुको साथै सामूहिक भावनाको विकास गराउने जोड दिनुभयो ।
कार्यक्रमका यस खेलको नेपाली नामाकरण नभएपनि यसलाई कोठेपद वा शब्दजाल को रुपमा लिइन्छ ।नेपालमा स्क्याबल क्लब पोखराले सुरु गरेको यस खेलको राष्ट्रिय प्रतियोगिता र उक्त प्रतियोगिताबाट उत्कृष्ट प्रतियोगीहरुलाई अन्तर्राष्ट्रिय प्रतियोगितामा भाग लिन जाने अवसर रहेको छ । यो खेल अनलाइन मार्फत पनि खेल्न सकिन्छ ।
