रोटरी क्लब अफ हेटौडा र रोट्र्याक्ट क्लब अफ हेटौँडाले गरेको निशुल्क आँखा शिविर आज सकिएको छ ।
हेटौडा सामुदायिक आँखा अस्पतालसँगको सहकार्यमा मङ्सिर २७ गतेदेखि सुरू भएको निःशुल्क आँखा शिबिर तथा मोतिबिन्दुको शल्यक्रिया कार्यक्रम आज सम्पन्न भएको हो ।
सो आँखा शिविरबाट १ सय ५९ जनाको मोतिबिन्दुको शल्यक्रिया गरिएको छ । आँखा शिविर मकवानपुर, बारा, चितवन र रौतहट जिल्लाका विभिन्न ६ स्थानमा आयोजना गरिएको थियो ।
शिविरमा १ हजार ३ सय ७८ जनाको आँखा परिक्षण गरिएकोमा १५९ जनाको निशुल्क मोतिबिन्दुको शल्यक्रिया गरिएको क्लबका सचिब किशोर पराजुलीले बताउनुभयो ।
क्लबको नियमित कार्यक्रमको रूपमा बिगत १५ वर्षदेखि नियमित रूपमा वर्षको दुईपटक आयोजना गरिने यस आँखा शिविरको लागि तास्मानिया, अस्ट्रेलियाका रोटरी क्लबहरुबाट सहयोग प्राप्त रहेको सचिव पराजुलीले बताउनुभयो ।
रोटरी क्लब अफ हेटौडाले सङ्स्थाको स्थापनाकालदेखि नै स्वास्थ्य, शिक्षा, वातावरण लगायत विभिन्न क्षेत्रहरुमा सामाजिक कार्य गर्दै आइरहेको छ ।
