हेटौँडा ६, चौघडामा रहेको वंश गोपाल माध्यमिक विद्यालय मा कक्षा १ देखि १० सम्मका विद्यार्थीकालागि कक्षागत नेपाली तथा अंग्रेजी हस्तलेखन प्रतियोगितामा शुक्रबार सम्पन्न भएको छ ।
विद्यालयको वार्षिक क्यालेन्डरमा उल्लेख गरिएको अतिरिक्त क्रियाकलाप अनुसार हस्तलेखन प्रतियोगिता गरिएको हो । प्रत्येक कक्षाबाट राम्रो अक्षर लेख्ने तीन जना विद्यार्थीलाई प्रथम, द्धितीय र तृतीय छनौट गरी पुरस्कार प्रदान गरिएको विद्यालयका अतिरिक्त क्रियाकलाप संयोजक शिक्षक माधब गौतमले बताउनुभयो । पुरस्कार वितरण कार्यक्रममा विद्यालयका प्रधानाध्यापक रमेश प्रसाद लामिछानेले सुन्दर अक्षर विद्यार्थीको गहना भएको र यस्ता प्रतियोगिताले विद्यार्थीको अक्षर राम्रो बनाउन सहयोग पुग्ने कुरा व्यक्त गर्नुभयो ।
